د الازهر او د مصر د قرآن راډیو د نوو تلاوتونو د ثبت لپاره ګډه ملګرتیا کوي

ایکنا - د الازهر اسلامي مرکز او د مصر د قرآن راډیو په نږدې راتلونکې کې د نوو قرآني تلاوتونو د ثبت لپاره یوه پروژه پلي کوي.

 ایکنا نیوز د «القاهره ۲۴» له قوله ر اپور راکړ، د مصر د قرآن راډیو  د ادارې مشر  اسماعیل دویدار ووئيل چې د مصر د ملي رسنیو ادارې او الازهر به په ملګرتیا سره  ډېر ژر د نوو تلاوتونو د ثبت لړۍ پیل شي.

هغه «القاهره ۲۴»  چینل ته وویل: موږ لا هم د ثبت د مسئولینو د ټاکلو په پړاو کې یو او تر اوسه د تلاوتونو عملي ثبت ته نه یو رسېدلي.

دویدار زیاته کړه: دا پروژه د درو نوو قرائتونو د ثبت پلان لري، چې په دې سره به د راډیويي قرائتونو ټول شمېر اوو  ته ورسېږي.

د مصر د قرآن راډیو مشر ټینګار وکړ: دا تلاوتونه به د ترتیل په بڼه وي او د الازهر قاریان به ئې تلاوت کوي.

هغه وویل: تېرې اوونۍ مې د الازهر له شیخ، احمد الطیب سره ولیدل، او په دې لیدنه کې د پروژې جزییات او د هغې د پلي کېدو میکانېزمونه وڅېړل شول.

اسماعیل دویدار یادونه وکړه چې دا پروژه د قرآن کریم د راډیو د مقام د ساتنې، د دې راډیو د دیني رسالت د پیاوړتیا او د لوړو تصویب شوو معیارونو پر بنسټ د قرآني تلاوتونو د وړاندې کولو په موخه پلي کېږي.

https://iqna.ir/fa/news/4325947